Schneeberger i reagon Borrellit e Lajçakut pas vrasjes së policit: Kjo ndodh kur luftën kundër krimit e quani provokim

Këshilltarja lokale e Bashkimit Evropian, Kati Schneeberger, ka reaguar pas vrasjes së rreshterit të Policisë së Kosovës, dhe plagosjes së një polici tjetër në veri të vendit nga grupet kriminale serbe.

Schneeberger i tha shefit për Politikë të Jashtme të BE-së, Josep Borrell, dhe emisarit special të BE-së për dialogun Kosovë – Serbi, Miroslav Lajçak, se kjo ndodh kur “luftën kundër krimit e quan provokim dhe e dënon”.

“Kështu ndodh kur e qetëson Vuçiqin dhe luftën kundër krimit e quan provokim dhe e dënon. Josep Borrel, Mirsolav Lajçak”, shkroi Schneeberger në platformën X.

Më tej, ajo tha se është koha për ta mbrojtur popullin e Kosovës e jo një autokrat, duke aluduar në Vuçiqin, i cili sipas saj po “bën lojëra të rrezikshme”.

A #Kosovo Police officer was killed and another wounded in an attack near northern town of #Leposavic today around 03:00 in the morning.

My condolences to the relatives of the victim and a speedy recovery to the injured person.

This is what happens when you appease Vucic and…

— Kati Schneeberger 🇪🇺 (@KatiSchneeberg1) September 24, 2023

Një polic ka mbetur i vrarë si pasojë e sulmeve në fshatin Banjskë të Mitrovicës së Veriut në orët e hershme të mëngjesit të sotëm, ndërsa një tjetër është plagosur.

Për rastin kanë reaguar krerët e shtetit, të cilët kanë thënë se këto janë sulme terroriste të organizuara nga Serbia. /Reporteri.net/