Këngëtarja Elida Kryeziu ka rrëfyer në emisionin “LIBERO” momentin kur vendosi të bëjë një hap prapa nga skena muzikore, duke theksuar se familja ishte arsyeja kryesore e këtij vendimi.
Ajo tregoi se shkëputja e saj nga aktiviteti intensiv në muzikë ndodhi në vitin 2015, kur mori pjesë për herë të fundit në festivalin “Kënga Magjike”.
“…Shkëputja ime ka qenë në 2015 kur në ‘Këngën Magjike’ të atij viti vendosa se do të jetë festivali i fundit i imi. E pashë shumë më të rëndësishme familjen se sa muzikën, edhe pse nuk jam shkëputur komplet, por nuk kam qenë aktive…”, u shpreh ajo.
Megjithatë, sipas saj, largimi nga skena nuk ka qenë i lehtë. Artistja pranoi se shpeshherë e ndien mungesën e festivaleve dhe emocioneve që e kanë shoqëruar ato vite.
“…Më mungon shumë. Ka raste që kur i shikoj festivalet filloj edhe me qajt, sepse jam rritë me to. Është e vetmja mënyrë që unë kam depërtuar në kohën kur nuk kemi pasë as rrjete sociale, as YouTube. Ky është problemi që unë sa herë që i shoh festivalet e ndiej një boshllëk brenda vetes, edhe pse askush nuk ma ndalon (që të merrem me muzikë)…”, u shpreh ajo.
Për ta dëgjuar intervistën e plotë të Elida Kryeziut, klikoni linkun e mëposhtëm:
