Deputeti i Lidhjes Demokratike të Kosovës, Anton Quni, ka thënë se dy deputetë të kësaj partie janë në ‘‘fokus të veçantë’’, të interesimit të Lëvizjes Vetëvendosje.
Quni ka thënë se format e presionit që po u bëhen deputetëve të LDK-së janë të ndryshme.
Pos kësaj, Quni ka thënë edhe se dy deputetët e LDK-së janë ‘’stabil’’ dhe ‘’do t’i përmbahen’’ qëndrimeve të LDK-së, pavarësisht presioneve të VV-së.
‘‘Kontaktohemi nga zyrtarët e VV-së, kontaktohemi nga ndërmjetësuesit e tyre. Është fakt se dy deputetët e LDK-së janë në fokus të veçantë të interesimit të autoriteteve të VV-së. Mbetet në diskrecionin e atyre që vetë të deklarohen. Ne i kemi njohuritë, informatat, përmbajtjen e bisedave të gjitha, deputetët të cilët më së shumit kontaktohen nga autoritetet e VV-së janë shumë stabil dhe do t’i përmbahen qëndrimeve të LDK-së. Format e presionit janë të ndryshme, duke ofruar benefite të ndryshme për bizneset e tyre familjare’’, ka thënë ai.
