Qeveria e Kosovës ka shpenzuar 784.9 milionë euro në tremujorin e dytë të vitit 2025.
Këto të dhëna u bënë të ditura nga Agjencia e Statistikave të Kosovës, ku poashtu u bë e ditur se në periudhën e njëjtë të vitit të kaluar shpenzimet e ekzekutivit ishin 679.1 milionë euro.
ASK-ja po ashtu ka treguar se ku janë bërë shpenzimet më të mëdha.
“Pjesën më të madhe të shpenzimeve e përbëjnë: kompensimi i punëtorëve (28%); kontributet sociale dhe përfitimet (26%); formimi i kapitalit bruto (15%); dhe konsumi i ndërmjetëm (14%). Ndërsa, pjesa e mbetur e shpenzimeve është shpërndarë në kategori të tjera të shpenzimeve”, thuhet në njoftim të kësaj agjencie.
