Prokuroria Speciale e Kosovës ka kërkuar nga Gjykata Themelore në Prishtinë caktimin e masës së paraburgimit prej 30 ditësh për të dyshuarin Lj.M. Sipas Prokurorisë, ai dyshohet për disa vepra penale, përfshirë “bashkim për veprimtari kundërkushtetuese”, “huliganizëm” dhe “sulm ndaj personit zyrtar”.
Hetimet e deritanishme tregojnë se më 29 maj të vitit 2023, para komunës së Zveçanit, i dyshuari në bashkëkryerje me persona të tjerë, ka sulmuar me gurë, mjete shpërthyese dhe armë zjarri pjesëtarët e KFOR-it, Policisë së Kosovës dhe gazetarët në vendngjarje. Gjatë bastisjes në banesën e tij janë sekuestruar prova materiale, përfshirë uniforma ushtarake dhe pajisje elektronike.
