Presidenti i Federatës së Futbollit të Kosovës, Agim Ademi, i ftuar në ‘Podcast FFK’, me gazetarin dhe menaxherin e Kombëtares së Kosovës, Bajram Shala, ka folur rreth stadiumit nacional të Kosovës:
“Stadiumi Nacional nuk bëhet fjalë të fillojë dhe as që do të nisë. Fillimisht është kryer në qeveritë e mëparshme fizibiliteti, është caktu vendi, njëherë ka qenë Bërnicë, pastaj në Drenas. Në Drenas është shpronësu toka dhe janë kryer parapërgaditjet, por është ndalur.”
“Një stadium Nacional i duhet Kosovës, ndihem shumë keq kur vijnë ndeshjet dhe nuk mundesh me i mundësu njerëzve vend në stadium. Stadiumi ‘Fadil Vokrri’ zë 12.500 ulëse gjithsej. Është imazh
edhe për vendin stadiumi se nëse kishim pas stadiumin me 30.000 ulëse sigurisht që do të kishim ndonjë finale këtu.”
“Shteti mund të bëjë çdo gjë dhe nëse ata duan mund ta bëjnë për një vitë e gjysmë – dy. Deri tani nuk kemi asnjë njoftim. “ – ka thënë ndër të tjera i pari i FFK-së. /ATVLIVE.TV
