Pronarët e automjeteve do të paralajmërohen para skadimit të regjistrimit

Agjencia e Shoqërisë së Informacionit (ASHI), në bashkëpunim me Agjencinë e Regjistrit Civil (ARC), ka aktivizuar një shërbim të ri në platformën eKosova për pronarët e automjeteve.

Përmes këtij shërbimi, qytetarët do të njoftohen 15 ditë para skadimit të afatit të regjistrimit të automjetit të tyre.

Sipas njoftimit, shërbimi synon t’i informojë pronarët me kohë, në mënyrë që ata t’i kryejnë obligimet që lidhen me regjistrimin e automjetit brenda afatit të paraparë. Shërbimi i ri tashmë është aktiv në platformën elektronike eKosova.