“Anja” dhe “Brenga e Prokurorit”, janë dy librat që u promovuan sot nga shkrimtari Ahmet Prençi në Prishtinë. Përshkrimi i së drejtës në drejtësi, betejës dhe dashurisë që u përshkrua në këta dy libra, sipas shkrimtarëve, është bërë në një version të rrallë.
Përvojën e punës si drejtor policor e komisioner, tashmë shkrimtari Ahmet Prençi e vendosi ne letër.
Dy librat “Anja” dhe “Brenga e Prokurorit”, përveç promovimit në Shqipëri erdhën edhe në duart e lexuesve kosovarë.
“Këto dy libra njëra ka të bëjë me histori dashurie tjetra me sisteme të drejtësisë…”, tha Ahmet Prençi, autor i librave.
Rrëfimet e tij shkrimtarët e tjerë i krahasojnë me personalitete shumë të shquara.
“Preniçin e kam mik, mbi të gjitha është aftësi libra të tillë të shkruhen kështu…”, u shpreh shkrimtari Avdullah Zeneli
Madje këta libra u konsideruan ekspoze e informacionit unik të tranzicionit shqiptar.
Librat u promovuan në Prishtinë. Përveç tyre, shumë shpejt do të botohet edhe romani i radhës nga Ahmet Prençi, në të cilin do të gërshetohet fenomeni i kriminalitetit dhe politikës./atvlive.tv/
