Infektologu Ilir Tolaj, në emisionin ALARM në ATV, i është përgjigjur dyshimeve të disa qytetarëve të cilët thonë se vaksina anti-Covid ka lënë pasoja tek ata.
Ai thotë se në asnjë studim nuk është dëshmuar që vaksinat janë përgjegjëse për çfarëdo lloj simptomash ose shenja të ndonjë sëmundje.
“Asnjë prej studimeve të deri tashme nuk ka treguar që vaksinat janë përgjegjëse për çfarëdo lloj simptomash ose shenja të sëmundjes për të cilat ankohen personat e vaksinuar”, tha Tolaj.
Ai shpjegoi se pasojat të cilat mund t’i kenë disa persona, mund të jenë për shkak të Covid-it.
“Është e vërtetë që Covid-i në persona të caktuar ka mundur që të lë pas vetes një gjendje e cila në disa raste emërtohet si “Long Covid”, Covid-i i gjatë, i cili mund të zgjatë me javë, me muaj por edhe vite. Ky etnitet tash klinik, ky Covid i zgjatur është duke u hulumtuar vazhdimisht. Të gjitha pasojat të një infeksioni me Sars Cov-2, nuk janë zbuluar ende dhe është një virus i cili pavarësisht se simptomat e para, shenjat dhe ndikimin e parë e ka pasur në rrugët e frymëmarrjes, në fakt po del që nuk ka lënë asnjë sistem pa e atakuar”, tha Tolaj. /atvlive.tv
Intervistën e plotë të infektologut Ilir Tolaj në ALARM e gjeni në videon më poshtë:
