Policia konfiskon 20 patentë shoferë për 24 orë

Angazhimet policore në terren me qëllim të zbatimit të urdhrit operativ, për të ofruar siguri në trafikun rrugor dhe për të parandaluar aksidentet kanë vazhduar edhe sot.

Gjatë zbatimit të detyrave që dalin nga ky urdhër, policia e trafikut dhe ajo e rendit publik, në të gjitha rajonet e vendit kanë realizuar gjithsej 570 pika kontrolli për vetura.

Për shkelje më të rënda në trafik, siç parashihet me ligjet në fuqi, Policia e Kosovës ka konfiskuar 20 patentë shoferë.

Policia serish apelon te të gjithë pjesëmarrësit në trafik, që t’i zbatojnë rregullat dhe shenjat e trafikut, në mënyrë që të reduktohen aksidentet rrugore.