Policia jep detaje për rastin e grabitjes së armatosur në Prishtinë

Policia e Kosovës ka dhënë detaje rreth grabitjes së armatosur që ndodhi mbrëmë në rrugën “B”, në kryeqytet.

Sipas Policisë, dy persona të dyshuar të maskuar kryen grabitje të armatosur në një market.

Siç thuhet në raportin policor, të dyshuarit kanë grabitur para kesh nga arka dhe kanë ikur me veturë në drejtim të panjohur.

“Nuk raportohet për persona të lënduar. Rasti duke u hetuar”, thuhet mes tjerash në raportin e Policisë.