Përplasje mes Dreshajt dhe Telakut për anëtarësimin e Kosovës në NATO
Një debat i ashpër u zhvillua në emisionin CONTEXT në ATV, ku kandidati për deputet nga AAK-NISMA, Shemsedin Dreshaj dhe psikologu Naim Telaku ndanë qëndrime të kundërta për anëtarësimin e Kosovës në NATO.
Telaku vuri theksin te pengesat e shumta për këtë proces, duke përmendur nevojën për anëtarësim në OKB dhe ratifikimin nga të gjitha shtetet anëtare.
Reklamë
“Anëtarësimi në NATO nuk është kaq i thjeshtë. Ka barriera të mëdha, si ratifikimi nga çdo shtet veç e veç dhe anëtarësimi në OKB”, tha Telaku.
Në kundërpërgjigje, Dreshaj tha se procesi është më i avancuar sesa besohet dhe vlerësoi rolin e Ramush Haradinajt.
“Asnjëri prej nesh nuk besonte se ushtria do të krijohej pa ndryshime kushtetuese, por u bë. Ramush Haradinaj solli këtë proces prej Pentagonit”, deklaroi Dreshaj.
Debatin e plotë mes Shemsedin Dreshajt dhe Naim Telakut në CONTEXT e gjeni në videon më poshtë:
Reklamë
