Vetëm dy javë pasi vendosi që të largohet, Përparim Islami është shumë pranë rikthimit te Gjilani.
Qendërmbrojtësi njoftimi largimin nga Gjilani në fillim të muajit gusht pas telasheve financiare dhe organizative nga ana e klubit, por tani klubi gjilanas është shumë afër kalimit tek pronarët e rinj të cilët kanë filluar kontaktet me lojtarë të ndryshëm për t’i forcuar radhët e ekipit.
Njëri ndër ta është Përparim Islami. KosovaPress mëson se futbollisti është shumë afër arritjes së marrëveshjes për t’u rikthyer te Gjilani dhe se gjithçka mund të mbyllet ditëve në vijim.
KosovaPress gjithashtu mëson se Islami ka oferta edhe nga klubet të tjera kosovare si dhe ato shqiptare, por që ai dëshiron që të luaj për Gjilanin dhe se është në pritje të tyre.
