Fshati Radavac konsiderohet si një nga pikat më atraktive për të gjithë qytetarët brenda dhe jashtë Kosovës, si një destinacion i këndshëm për të kaluar ditët e pushimit.
I shtrirë në kilometrin e 11-të nga dalja e Pejës, ky fshat është i rrethuar nga malet e Zhlebit në skaj me Drinin e Bardhë.
Natyra e bukur, ajri i pastër e bëjnë jetës për banorët më të rehatshëm në këtë fshat.
Banorët e fshatit Radavc janë me fat që kanë këtë mrekulli natyrore, derisa thonë se nuk mund ë jetojnë askund tjetër.
Banori i këtij fshati, Sahit Sadrijaj, në një bisedë me ATV-në, tregon se ai kishte një fëmijëri tejet të vështirë.
“Fëmijëria ka qenë e vështirë në atë periudhën kur unë kam lindu. Veç po e tregoj një, në vitin e parë në gjimnaz në Pejë, prej këtu kam shku në këmbë. Llogarit, 12-13 kilometra me shku e me u kthy. mas një viti ma kanë ble një bicikletë edhe ato e kam pru në kerr të kuajve se s’kam ditë me drejtu derisa jam mësu. Fëmijëria ka qenë goxha e vrazhdët. Edhe pse kemi qenë një familje patriarkale, me mulli e tufë të deleve, të lopëve e të gjitha ato, por jeta ka qenë pak më e vrazhdët”, tregon ai.
Mirëpo, përkundër vështirësive, ai thotë se më parë, njerëzit janë dashtë më shumë me njëri tjetrin dhe se harmonia ka qenë më në nivel.
“Sigurisht po, kemi qenë më të lumtur. Ka qenë harmonia mes njerëzve, dashuria me njëri tjetrin, dmth vizitat.. gjithçka ka qenë më në nivel”, thotë ai. /atvlive.tv
Në videon e më poshtme e gjeni emisionin e plotë “n’mal A n’det” që u transmetua mbrëmë:
