Përleshje fizike mes dhjetë personave në Malishevë

Dhjetë persona janë përfshirë në një përleshje fizike mes vete ditën e premte në Malishevë.

Policia njofton se si pasojë e përleshjes, disa prej personave kanë pësuar lëndime trupore.

“Janë arrestuar 10 të dyshuar meshkuj kosovarë pasi që të njëjtit pas një mosmarrëveshje janë përleshur fizikisht në mes vete. Si pasojë disa prej tyre kanë pësuar lëndime trupore dhe kanë pranuar tretman mjekësor”, njofton Policia.

Me vendim të prokurorit pas intervistimit të dyshuarit janë dërguar në mbajtje.