​Osmani në Tivat diskuton vizionin e Kosovës për të ardhmen e rajonit

Presidentja e Kosovës Vjosa Osmani ka qëndruar në Tivat në takimin e liderëve të procesit Bërdo-Brione.

Nga aty Osmani tha se kanë pasur mundësi të diskutojnë vizionin e Kosovës për të ardhmen e rajonit.

“Falënderoj Presidentët Milatović, Pirc-Musar dhe Milanović për mirëseardhjen e tyre në takimin e liderëve të procesit Bërdo-Brione në Tivat, ku patëm mundësinë ta diskutojmë vizionin tonë për të ardhmen e rajonit”, ka shkruar Osmani në Facebook.

Sipas Osmanit, Kosova vazhdon të jetë e përkushtuar për bashkëpunim rajonal, të bazuar në fqinjësi të mirë, gjithëpërfshirje dhe qëllimin e përbashkët për integrim në institucionet euroatlantike.