Punëtorët e Trafikut Urban, dhe të operatorëve privatë, kanë nisur ditën e tretë të protestës.
Protesta vjen për shkak të mosmarrjes së pagave që disa muaj me radhë.
Të martën, ata zbarkuan me autobusë nëpër rrugët e Prishtinës, nga Komuna deri te Qeveria, për të shprehur pakënaqësitë e tyre, derisa është paralajmëruar që njësojë do të veprohet edhe sot, por në periudhë kohore më të gjatë.
Protestuesve për dy ditë me radhë iu bashkua edhe kryetari i Prishtinës, Përparim Rama, i cili akuzoi Qeverinë për bllokim të buxhetit dhe për “sabotazh” ndaj Komunës.
Ndërkohë, qytetarët e Prishtinës vazhdojnë të përballen me vështirësi të mëdha në lëvizje, duke u detyruar të kërkojnë alternativa të tjera ose të ecin në këmbë për të përmbushur obligimet e përditshme.
Situata po rëndohet çdo ditë, ndërsa zgjidhja duket ende larg.
