Nis asfaltimi në “Rrugën B” që lidhet me “Rrugën A”

Ka nisur sot asfaltimi i “Rrugës B” në Prishtinë, e cila lidhet me “Rrugën A”. Punimet, të cilat kanë filluar disa javë më parë, janë në fazën përfundimtare.

Kryetari i Prishtinës, Përparim Rama, ka publikuar pamje nga terreni, ku punëtorët dhe makineritë po përmbyllin procesin e asfaltimit. Ai ka bërë të ditur se projekti është planifikuar për të lehtësuar qarkullimin në këtë zonë.

Sipas Komunës së Prishtinës, rruga pritet të shkarkojë komunikacionin në segmentet përreth, duke krijuar lidhje më të drejtpërdrejta për automjetet dhe duke zvogëluar ngarkesën në rrugët kryesore të qytetit. /atvlive.tv