Netanyahu u dërgua me urgjencë në spital

Kryeministri izraelit Benjamin Netanyahu u dërgua me urgjencë në spital të shtunën, por është në “gjendje të mirë” pasi iu nënshtrua një vlerësimi mjekësor, tha zyra e tij.

Zyra e liderit izraelit tha se ai po trajtohej në spitalin Sheba të Izraelit, pranë qytetit bregdetar të Tel Avivit, por nuk dha detaje të mëtejshme.

Një medium izraelit raportoi se kryeministrit izraelit i kishte i kishte rënë të fikët në shtëpi, por ishte plotësisht i vetëdijshëm në spital, duke cituar deklaratën e një zyrtari të afërt të paidentifikuar të Netanyahut.

Një medium tjetër, që citoi zyrtarët e spitalit, raportoi se Netanyahu kishte fituar vetëdijen dhe ishte në gjendje stabile.