Selektori i Kombëtares së Kosovës, Franco Foda, ishte i ftuari i radhës në emisionin “FFK Podcast”.
Në këtë intervistë, ai foli për shumë tema të rëndësishme në prag të dy ndeshjeve të muajit tetor kundër Sllovenisë dhe Suedisë, të vlefshme për kualifikueset e Kupës së Botës.
Ndër të tjera, Foda u ndal edhe te një dukuri që ka qenë e pranishme kohët e fundit në Kombëtare – refuzimi i disa futbollistëve për t’u grumbulluar me ekipin për arsye të ndryshme.
“Për çdo lojtar, Kombëtarja duhet të jetë gjithmonë prioriteti më i lartë. Nëse je i shëndetshëm, duhet të jesh në dispozicion – sepse përfaqëson gjithë vendin; i gjithë vendi është pas teje. Kjo është ajo që e dallon Kombëtaren nga klubi. Në klub ke shumë tifozë, por jo të gjithë vendin,” theksoi Foda. /ATVLIVE.TV
