Në emisionin THE ELITE WAY në ATV, stilisti i njohur Kaci Lleshi bëri një deklaratë të guximshme që ngjalli reagime. Ai foli hapur për çmimet në industrinë e bukurisë dhe theksoi se vlerëson jashtëzakonisht shumë punën dhe kreativitetin që sjell në çdo frizurë.
Sipas tij, puna e një artisti duhet të vlerësohet jo vetëm me fjalë, por edhe me çmim të denjë për atë që ofron.
“Është bërë e tepërt kjo puna e çmimeve, unë e vlerësoj veten shumë më shumë se ato çmime. Derisa çdo frizurë timen nesër e shoh te çdo frizer, na bëjnë edhe ‘tag’, kështu që ato çmime është pak marre edhe me i diskutu. Më dhimbset vetja me e kap krahërin për 10 mijë euro. Kështu që ai çmim nuk bën as të flitet. Nën 10 mijë euro nuk kisha bërë frizurë, nuk e kisha prek as klientin. Vetëm jam ku jam – në Kosovë – e dua vendin tim, e dua popullin tim. Ai çmim për mua, 400 euro hiç nuk e vlerësoj, si çmim, nëse e shikoj me e vlerësu veten,” tha ai.
Për më shumë, shikoni intervistën e tij në videon më poshtë:
