Në Kaçanik, iftari pritet me tupana – Kjo është arsyeja

Ramazani ka rëndësi të veçantë për besimtarët e fesë myslimane. Ky muaj konsiderohet muaj i bekuar dhe i tillë është edhe për Naim Sopin, tavanxhiun nga Kaçaniku, i cili i informon qytetarët për kohën e iftarit.

“Kjo është tradita e jonë që na kënaqë zemrat, këtë iftar inshalla Allahu ua bën kabull të gjithëve”, thotë për ATV-në, tavanxhiu kaçanikas.

Ai thotë se i bie tupanit për Ramazan për t’i njoftuar qytetarët për kohën e iftarit tash e 20 vite.

“Kjo është një traditë dhe unë nuk kam dashur me e lanë këtë traditë. Para lufte ka pasur edhe tavanxhinj të tjerë. Tash jam unë këtu në Kaçanik që i bie tupanit, katër pika i kam ku e bëjë këtë”, thotë Sopi. /atvlive.tv