Lukaku nis kontaktet me rivalin e Chelseat
Në një verë që po e kalon duke kërkuar klub të ri, Romelu Lukaku mund ta ketë gjetur atë vetëm 15 kilometra larg nga “Stamford Bridge”.
Sulmuesi belg raportohet se ka nisur kontaktet me Tottenhamin, skuadër kjo që po kërkon një zëvendësues të anglezit Harry Kane i cili vendosi të bashkohet me gjigantin gjerman Bayern Mynih.
Reklamë
Dy skuadrat e nisën Premier Ligën me barazim, ndërsa ish-sulmuesi i Interit vazhdon të qëndrojë jashtë skuadrës, ku stërvitet i vetëm, larg grupit të Pochettinos.
Një zgjidhje nevojitet urgjentisht në dy javët e ardhshme. Kjo është arsyeja pse kanë nisur kontaktet e para mes palëve. 30-vjeçari është në merkato dhe Tottenhami po mendon seriozisht për të, ndërsa është i vetëdijshëm se nënshkrimi i Lukakut ka të mirat dhe të këqijat e tij, përcjellë KoosvaPress.
Lukaku e kishte bërë të qartë disa herë se nuk dëshironte të luante më në ligën angleze, i djegur nga dy eksperiencat në Chelsea dhe Manchester United . Por, në mungesë të alternativave, ajo mund të ndryshojë mendimin e tij.
Reklamë
