Avokati Petrit Lladrovci, në emisionin COMPASS në ATV, tha se nëse një subjekt politik i ka numrat, Qeveria mund të formohet edhe brenda një dite.
Sipas Lladrovcit, nëse mandatarit i besohen votat dhe bindet presidentja, procesi i formimit të Qeverisë mund të përfundojë shumë shpejt.
“Sipas deklarimeve dhe nëse i kanë numrat, atëherë edhe mund ta propozojnë që mandatari i Qeverisë të diskutojë me presidentin, ta bindë që i ka numrat dhe mund të thirrë seancën për zgjedhjen apo formimin e Qeverisë brenda ditës. Mandatari propozon kabinetin qeveritar dhe e paraqet para deputetëve. Tashmë e kam dhënë betimin, andaj mund të formohet edhe brenda ditës, sepse nuk ka ndonjë afat të caktuar kohor të rregulluar”, tha Lladrovci.
Ai shtoi se nëse ekziston përgatitja dhe numrat e nevojshëm, votimi për Qeverinë mund të përmbyllet në të njëjtën ditë.
“Jo, nëse i kanë përgatitje të tilla, nëse i kanë numra, atëherë edhe mund të përgatitet brenda gjithë ditës dhe të kryhet edhe votimi i Qeverisë, i cili duhet të jetë nëse ngjallen votat e deputetëve”, shtoi avokati Petrit Lladrovci.
Deklaratën e plotë të Petrit Lladrovcit në COMPASS, e gjeni në videon më poshtë:
