“Litari” rikthehet në Teatrin e Kosovës me repriza më 13 dhe 14 prill

Teatri i Kosovës do të rikthejë në skenë shfaqjen “Litari”, me repriza të planifikuara më 13 dhe 14 prill 2026, duke filluar nga ora 20:00.

Vepra është shkruar nga autori britanik Patrick Hamilton dhe vjen nën regjinë e Skender Podvoricës. Në këtë produksion interpretojnë aktorët Allmir Suhodolli, Valmir Krasniqi, Shkëlzen Veseli, Arta Selimi, Rrezon Zhinipotoku, Selman Lokaj, Semira Latifi dhe Lumnije Sopi.

Publiku i interesuar mund të rezervojë biletat duke dërguar SMS me emrin, mbiemrin dhe numrin e biletave në numrin 044 430 693.