Lista Serbe shpall 3 ditë zie për terroristët e vrarë në Banjskë

Lista Serbe përmes një njoftimi ka bërë të ditur se ka shpallur tre ditë zie në komunat e Kosovës të banuara me popullatë shumicë serbe, për shkak të vrasjes së tre terroristëve, të cilët të dielën në mëngjes sulmuan me armë zjarri policinë e Kosovës.

“Datat 26, 27 dhe 28 shtator shpallen ditë zie në komunat me shumicë serbe për shkak të vdekjes së qytetarëve tonë në ngjarjen tragjike në Banjskë”, thuhet mes tjerash në këtë njoftim.