Kandidati i LDK-së për deputet, Besian Mustafa, në emisionin CONTEXT në ATV, kritikoi fjalimin e Kryeministrit Albin Kurti në një tubim në Pejë, ku ky i fundit u tall me opozitën, duke përfshirë LDK-në dhe PDK-në.
Mustafa tha se retorika e Kurtit është pasojë e panikut dhe mungesës së rezultateve gjatë mandatit të tij.
“Albin Kurti është në panik të thellë. Ai s’ka çfarë t’u tregojë qytetarëve për punën e bërë në katër vite, sepse nuk ka realizuar as 1% të programit të tij”, deklaroi Mustafa.
Ai shtoi se tallja e Kryeministrit është një strategji për të shmangur llogaridhënien.
Gjatë fjalimit të tij në Pejë, Kurti kishte ironizuar opozitën, duke thënë: “LDK-yhi edhe PDK-yhi janë bashkë në koalicion. Kjo më përngjanë asaj mizës që thoshte: ‘Kudo që po shkoj, po më presin me duartrokitje’”, duke shkaktuar të qeshura në sallë.
Deklaratën e plotë të Besian Mustafës në CONTEXT e gjeni në videon më poshtë:
