Kryeministri në detyrë, Albin Kurti, ka reaguar ashpër përmes një postimi në Facebook pas ndërprerjes së seancës konstituive të Kuvendit, duke akuzuar opozitën se ka penguar një proces formal dhe teknik që çon drejt konstituimit të legjislaturës së re, përcjell ATV.
Kurti tha se opozita, përfshirë PDK-në, LDK-në, Listën Serbe dhe AAK-në, ka votuar kundër raportit të komisionit për verifikimin e mandateve, duke e quajtur këtë veprim një sulm të brendshëm institucional.
“Deputetët e opozitës PDK, LDK, Lista Serbe dhe AAK sot votuan kundër raportit të komisionit për verifikimin e mandateve. Në një votim krejt formal e teknik që bazohet në dokumentacionin e KQZ-së, ata u rebeluan kundër betimit të deputetëve dhe konstituimit të legjislaturës së nëntë. Ky është sulm brenda institucional kundër Republikës së Kosovës dhe zgjedhjeve demokratike”, shkroi Kurti.
Ai tha se ky veprim i opozitës nuk është vetëm kundër qeverisë, por edhe kundër vullnetit qytetar dhe vetë sistemit demokratik.
“Ne qeverisim mbarë e mirë, këta lanë nam e bëjnë lajm të keq për shtetin tonë. Se janë kundër qeverisë e Republikës dihet, por se janë edhe kundër vetvetes, këtë e mësuam sot”, përfundoi Kurti. /atvlive.tv
Reagimin e plotë të Albin Kurtit në facebook, e gjeni më poshtë:
