Kurti në Paris diskuton edhe për Lojërat Mesdhetare Prishtina 2030, Franca i ofron ekspertizën dhe përvojën për organizimin e tyre

Ambasada e Francës në Kosovë ka bërë të ditur se në Paris është mbajtur një takim mes kryeministrit të Kosovës, Albin Kurti, dhe përfaqësuesve të përfshirë në organizimin e Lojërave Olimpike “Paris 2024”.

Sipas ambasadës, diskutimet u përqendruan në përvojën e Francës në organizimin e këtyre lojërave dhe ndikimin afatgjatë të tyre në Paris dhe në vend.

Ambasada po ashtu ka shprehur gatishmërinë e ekipit francez për të ndarë ekspertizën dhe përvojën me Kosovën në përgatitjet për organizimin e Lojërave Mesdhetare “Prishtina 2030”.

Takimi u mbajt në Prefekturën e Rajonit Île-de-France, ndërsa në të morën pjesë edhe ambasadori francez për sport, Damien Combredet-Blassel, si dhe përfaqësues të organizatës France Sport Expertise.