Hoxha i fshatit Hogosht në Komunën e Kamenicës, Xhemush Biçku, ishte mysafir në emisionin STUDIO A në ATV.
Ai në këtë emision ka treguar se e ka lexuar mbi 100 herë Kuranin, të cilin madje, të tërin e ka shkruar edhe me dorë.
“Kam ëndërruar që 25 vite a më shumë, që qysh një ditë, unë ta përshkruaj librin e Zotit me dorë. Unë deri tash kam botuar edhe shtatë libra të tjerë, kam shkruar tema të ndryshme, kam shkruar vjersha të ndryshme, kam shkruar poezi të ndryshme kam shkruar artikuj të ndryshëm, por kam pasur dëshirë të merrem me përshkrimin e Kuranit sepse kur e lexon një shkronjë, vetëm një shkronjë të Kuranit origjinal, janë 10 shpërblime, 10 sevape na thojmë”, tha Biçku.
Ai tha se duhet pasur shumë kujdes kur flasim ëpr Kuranin, ndërsa kur shkruajmë për të, duhet edhe më shumë kujdes.
“Kurani është një libër i veçantë dhe më së shumti duhet të kemi kujdes kur të flasim, e kur të shkruajmë edhe më shumë. Duhet me qenë shumë i përpiktë”, tha imami Biçku. atvlive.tv
Intervistën e plotë me hoxhën Xhemush Biçku e gjeni në videon e më poshtme.
