Konjufca nderoi heronjtë Fehmi e Xhevë Lladrovci

Në 25-vjetorin e rënies heroike të Fehmi dhe Xhevë Lladrovcit, Kryetari i Kuvendit të Republikës së Kosovës, Glauk Konjufca, së bashku me deputetë, bëri homazhe dhe vendosi lule pranë varrezave të tyre në Gllanasellë të Drenasit.

Heronjtë Fehmi e Xhevë Lladrovci, bashkëshortë dhe njëkohësisht bashkëluftëtarë në radhët e Ushtrisë Çlirimtare të Kosovës, ranë më 22 shtator të vitit 1998, në betejë me forcat okupatore serbe.​