Këngëtarja Kida ka ndarë me ndjekësit e saj lajmin e lumtur se i dashuri i saj i ka propozuar për martesë në ditëlindjen e saj. Ky moment emocionues u bë publik përmes disa fotove të shpërndara në Instagram, ku Kida duket mjaft e lumtur dhe e emocionuar.
Kida, e cila gjithmonë është përqendruar te muzika dhe nuk është përfolur për ndonjë lidhje dashurie apo çështje jashtë karrierës së saj, habiti publikun e saj me këtë lajm.
Ndërsa identiteti i të fejuarit të saj mbetet mister, është konfirmuar se ai nuk është një figurë publike. Fansat kanë përgëzuar çiftin për këtë hap të rëndësishëm në jetën e tyre dhe presin më shumë detaje nga këngëtarja e dashur.
