Fokusi i kandidatit për Prishtinën, nga Vetëvendosje të hënën ishte lagjja Kalabria. Nga terreni, Hajrulla Çeku o zotua se do t’i kushtojë rëndësi kësaj lagje, derisa thotë se u shqetësua për gjendjen e rrugës por edhe të mbeturinave.
Mbështetje fermerëve iu premtoi Shpejtim Bulliqi, i cili po kërkon edhe një mandat tjetër në krye të Podujevës.
Takime me afaristët zhvilloi kryetari aktual, pretedenti për një mandat tjetër për Gjilanin, Alban Hyseni. Të hënën ai zhvilloi edhe një takim me gra e vajza.
Transformimi për komunën do të vazhdojë edhe në mandatin tjetër, ka thënë Qemajl Aliu, kryetar aktual i Shtimes.
Në Frashër të Mitrovicës, qëndroi të hënën kandidati për kryetar Faton Peci. Ai tha se kërkesat e banorëve do t’i realizojnë.
Përkrahje nga qytetarët po kërkon edhe kandidatja për Drenasin, Egzona Tërdevci.
Hallet dhe planet për lagjen 028-029, i diskutoi në ditën e 17-të, kandidati për Fushë-Kosovën, Valon Prebreza.
Ndërkaq, ndërtimin e unazës së jashtme dhe unazës së mesme me një investim prej 40 milionë euro, projekt që do të krijojë hapësira të reja për zona industriale dhe biznese, premtoi kandidati për Ferizaj, Enver Haliti.
E se nuk do të abuzohet paraja publike ishte njëri nga premtimet e kandidatit për kryetar të Prizrenit, Artan Abrashi.
