Kryeministri i Kanadasë Mark Carney dhe kancelari gjerman Olaf Scholz “ranë dakord të forcojnë marrëdhëniet e ndryshme tregtare” midis dy vendeve të tyre pas një telefonate sot në mëngjes.
“Ndërsa përballemi me krizën e shkaktuar nga tarifat e presidentit Trump, partnerët e besueshëm tregtarë janë më të rëndësishëm se kurrë”, shkroi Carney në mediat sociale.
Carney ka vendosur t’i drejtohet vendeve të tjera si partnerë alternativë të tregtisë dhe sigurisë për të reduktuar varësinë e Kanadasë nga Shtetet e Bashkuara, transmeton KosovaPress.
Kryeministri, i cili mori rolin pasi paraardhësi i tij Justin Trudeau, njoftoi dorëheqjen e tij në janar, vizitoi Francën dhe Britaninë e Madhe për udhëtimin e tij të parë jashtë vendit dhe ditë më vonë njoftoi një marrëveshje me Australinë për radarët ushtarakë.
Zëvendëspresidenti i SHBA-së JD Vance tha se tarifat gjithëpërfshirëse që Trump nënshkroi mbrëmë janë “një ndryshim i madh”, por i domosdoshëm, duke kundërshtuar një “ekonomi globaliste” që ka bërë që Shtetet e Bashkuara të kenë “një sasi të madhe borxhi për të blerë gjëra që vendet e tjera bëjnë për ne”.
