Jeton Raka emërohet zëvendësministër i Mjedisit, Planifikimit Hapësinor dhe Infrastrukturës

Kryeministri i Kosovës, Albin Kurti, ka emëruar sot Jeton Rakën, zëvendësministër të Mjedisit, Planifikimit Hapësinor dhe Infrastrukturës.

Në komunikatën e Zyrës së Kryeministrit thuhet se Kurti ka uruar Rakën për detyrën dhe i ka dëshiruar suksese në përmbushjen e përgjegjësive të reja.

Ndryshe, Jeton Raka ishte kandidat i Lëvizjes Vetëvendosje për kryetar të Kaçanikut në zgjedhjet e fundit lokale.