Madonna arriti në New York në vitin 1978 me vetëm 30 dollarë, me synimin për t’u bërë balerinë. Pesë vite më vonë, bota e njihte emrin e saj: Madonna shpërtheu në skenë në vitet ’80, duke u bërë simbol i feminizmit, ikonë seksi, ikonë stili dhe ikonë I muzikës.
Ajo formësoi dhe ndryshoi peizazhin kulturor të viteve ’80 dhe ’90. Ajo luftoi kundër diskriminimit të pakicave, përfshiu mesazhe shoqërore në videot dhe performancat e saj muzikore dhe ishte kampione për gratë e forta, komunitetin LGBTQ+ dhe drejtësinë. Ndikimi i Madonnës ishte shpërthyes, sfidoi normat e vendosura, duke u bërë simbol i feminitetit revolucionar dhe të vetëdeterminuar.
Udhëtimi i saj është edhe më mbresëlënës duke konsideruar prejardhjen e saj. E rritur në një manastir katolik, Madonna ishte gjithmonë një nga studentet më të shkëlqyera. Megjithatë, edhe atëherë, ajo e dinte çfarë donte në jetë. Mori mësime në vallëzim dhe muzikë, u zhvendos në Neë York në moshën 20-vjeçare dhe ndoqi ëndrrën e saj për skenën e madhe me dedikim dhe profesionalizëm të madh. Ndërmjet viteve 1985 dhe 1987, asnjë muzikant nuk shiti më shumë albume se ajo. Në vitet 1984 dhe 1989, ajo kishte më shumë hite në pesëshen e parë në SHBA dhe Mbretërinë e Bashkuar se Elvis apo Beatles kishin më parë.
Ajo pati thënë dikur, “Dua të jem si Gandhi, Martin Luther King dhe John Lennon. Por dua të mbetem gjallë.” Dhe ajo vazhdon ta bëjë këtë: të mbetet gjallë, të bëjë histori dhe të ndryshojë botën, qoftë edhe pak.
Në vitet ’90, ndikimi i Madonnës vazhdoi të rritej.
Muzika dhe performancat e Madonnës gjatë viteve ’90 ishin dëshmi e ndikimit të saj të qëndrueshëm, duke reflektuar peizazhin kulturor në ndryshim të kohës dhe duke vendosur standarde të reja për muzikën pop./ NO FILT
