“Jemi në një epokë riarmatimi”, von der Leyen njofton për 800 miliardë euro për rritjen e aftësisë mbrojtëse të Europës

Presidentja e Komisionit Europian, Ursula von der Leyen, ka thënë se 800 miliardë euro do të mobilizojë për rritjen e aftësisë mbrojtëse të Europës.

“Europa është e gatshme të marrë përsipër përgjegjësitë e saj. Riarmatosja e Europës mund të mobilizojë afër 800 miliardë euro për një Europë të sigurt dhe të qëndrueshme. Do të vazhdojmë të punojmë ngushtë me aleatët tanë në NATO. Ky është një moment për Europën. Dhe ne jemi gati”, tha ajo.

Deklarata e saj vjen në mes të zhvillimeve me SHBA-në, e cila me Administratën e re Trump ka kërkuar nga Europa që të rrisë shpenzimet e mbrojtjes dhe të marrë përgjegjësi për sigurinë e saj.