Ish-opozita kritikon VV-në pas dështimit të seancës
Pas dështimit të seancës konstituive të Kuvendit, partitë ish opozitare kanë reaguar ashpër ndaj Lëvizjes Vetëvendosje. Kryetari i PDK-së, Memli Krasniqi, përsëriti qëndrimin se partia e tij nuk do të votojë asnjë kandidat që ka qenë pjesë e Qeverisë Kurti.
Nga ana tjetër, deputetja e LDK-së, Hykmete Bajrami, akuzoi Vetëvendosjen se nuk ka interes për formimin e institucioneve. Ajo tha se dy kandidatët e propozuar, Albulena Haxhiu dhe Donika Gërvalla, dihej se nuk kishin votat, duke e cilësuar këtë veprim si pengesë për konstituimin e Kuvendit.
Reklamë
Ndërkohë, deputetja e AAK-së, Time Kadrijaj, e quajti arrogante qasjen e Vetëvendosjes. Sipas saj, seanca duhej të ishte thirrur me kërkim falje, pasi Kushtetuta është shkelur, ndërsa vendi mbahet peng për gjashtë muaj me kandidatura që dihej se nuk do të mbështeteshin nga opozita.
Reklamë
