Irani fajëson Izraelin dhe SHBA-në, zotohet se do përgjigjet pas shpërthimeve të 3 janarit
Një ndihmës i presidentit të Iranit fajësoi Izraelin dhe Shtetet e Bashkuara për shpërthimet që vranë të paktën 95 njerëz më 3 janar, gjatë përkujtimeve për një ish-komandant iranian të vrarë katër vjet më parë në një sulm ajror amerikan. Departamenti i Shtetit ka thënë se asnjë nga vendet nuk ishte përfshirë në dy shpërthimet.
Incidenti ka intensifikuar frikën e zgjerimit të konfliktit në rajon ndërsa Izraeli vazhdon luftën kundër Hamasit, grupit palestinez të shpallur organizatë terroriste nga SHBA-të dhe Bashkimi Evorpian, ndërsa rebelët Huthi me bazë në Jemen-aleatë me Iranin-vazhdojnë sulmet e tyre ndaj anijeve tregtare në Detit të Kuq.
Reklamë
Të paktën 95 persona u vranë dhe më shumë se 200 të tjerë raportohet se u plagosën nga shpërthimet që ndodhën në ngjarjen e organizuar për të shënuar 4-vjetorin e vrasjes së gjeneralit, Qassem Soleimani, që udhëhiqte forcat elite Kuds, të Gardës Revolucionare Islamike.
Ai u vra në një sulm me dron të kryer nga SHBA-ja në Irak në janarin e vitit 2020./REL/
Reklamë
