Është hapur ekspozita personale e Hazir Rekës me fotografi të realizuara 33 vite më parë. Hazir Reka derisa foli rreth kësaj ekspozite, ai tha se kjo ekspozitë është hapur për nder të Ditës së Çlirimit të komunës së Prishtinës.
Tutje, ai përmendi se si pjesë e kësaj ekspozite është edhe koha kur në vitin 1990, qindra njerëz me flamuj të Amerikës, kishin dalur që ta presin senatorin amerikan Bob Dole dhe zyrtarë tjerë në qendër të Prishtinës.
Sipas rrëfimit të Rekës, kjo kishte qenë hera e parë që në Kosovë kishte ndodhur një vizitë aq e rëndësishme për shqiptarët.
Reka thotë që Policia serbe ishte munduar t’i shpërndajë me dhunë demonstruesit që kur të vijnë kongresmenët ta gjejnë sheshin të zbrazët, por kishin hasur në rezistencën e shqiptarëve.
“Është pritur shumë mirë edhe nga mysafirët që kanë qenë këtu, në bashkëpunim me Komunën e Prishtinës. Kjo është një ekspozitë që është realizuar para 33 vitesh, kur ka ardhur një delegacion amerikanë, të cilët janë takuar me liderët shqiptar. Ideja që e kam realizuar ekspozitën këtu është se pikërisht në këtë vend janë zhvilluar takimet e ndërsa jashtë këtij vendi janë bërë edhe demonstratat e ndodhur po atë ditë kur polica serbe, ideja e tyre ka qenë me pastrua sheshin që mos me pa asnjëri aty”, tha ai.
Reka nën emocione përmendi edhe fotografinë e tij të shkrepur kur para hotelit “Grand” policia serbe kishte ndërhyrë brutalisht, duke shpërndarë turmën, por Faik Rexhepi nuk kishte luajtur vendi.
“Shihet këtu edhe Faik Rexhepi që është ulë aty, këmbëkryq, i ka kapë për pantollonave njerëzit përreth dhe ka insistu me i ulë krejt në shesh. Si më duket e ka pas një ide që me u ulë krejt në shesh”, shtoi ai.
Për më shumë ndiqni videon e mëposhtme:
