Hamidi: Kryeministri po përdor fjalor të ulët kundër opozitës
Gazetari dhe analisti Lavdim Hamidi, në emisionin CONTEXT në ATV, vlerësoi se partitë opozitare kanë zhvilluar një fushatë të qetë dhe të kulturuar, ndërsa kryeministri po përdor një gjuhë ofenduese kundrejt tyre.
Hamidi tha se fushata e opozitës nuk është fokusuar në akuza të Qeverisë.
Reklamë
“Kemi pasur një fushatë të kulturuar kryesisht nga partitë opozitare, të cilat nuk po merren me akuza të pabaza. Në anën tjetër, kryeministri vazhdimisht po përdor një fjalor shumë të ulët kundrejt opozitës,” tha Hamidi.
Ai shtoi se vështirësitë e kryeministrit për të mbushur sallat e takimeve dëshmojnë një krizë brenda partisë në pushtet.
“Është e pakuptueshme që një subjekt politik, me më shumë se pesëdhjetë për qind të elektoratit, të mos arrijë të mbushë sallat në komunat e mëdha. Kjo është një krizë,” theksoi Hamidi.
Deklaratën e plotë të Lavdim Hamidit në CONTEXT e gjeni në videon më poshtë:
Reklamë
