Pija e njohur energjike “Golden Eagle” nga kompania Frutex, tashmë ka arritur edhe në Dubai, duke sjellë një prekje energjie të artë në zemër të Emirateve të Bashkuara Arabe.
Kompania Frutex, me prezencën e saj edhe në Emiratet e Bashkuara Arabe, vazhdon të kryesojë eksportin e pijeve nga Kosova me një rritje mbresëlënëse prej 66% gjatë vitit të fundit, duke kontribuar ndjeshëm në ekonominë e vendit.
Sipas të dhënave nga Dogana e Kosovës dhe Instituti GAP, eksportet e pijeve kanë arritur në 47 milionë euro për vitin 2024, një rritje e konsiderueshme krahasuar me vitet e kaluara.
Frutex, me produktet e saj të njohura si “Golden Eagle”, “Natural” dhe “Relax”, ka arritur të zgjerojë prezencën e saj në tregjet ndërkombëtare, duke i bërë këto produkte të preferuara për konsumatorët jashtë vendit.
Ky sukses i Frutex jo vetëm që pasqyron cilësinë dhe inovacionin në prodhimin e pijeve, por gjithashtu dëshmon kapacitetin e kompanive kosovare për të konkurruar me sukses në tregjet globale.
