Gjykimi ndaj Gavrilo Milosavljeviq, akuzohet për pjesëmarrje në masakrën e Dubravës
Përgatiti: Nora Luta
Ish deputeti Nait Hasani e ka përfunduar dëshminë këtë të enjte në procesin gjyqësor për masakrën e Dubravës, që po zhvillohet në Gjykatën e Prishtinës.
Reklamë
Hasani duke u përgjigjur në pyetjet e trupit gjykues theksoi se gardianët e burgut të Dubravës kishin ushtruar dhunë, e torturë ndaj tij, dhe të burgosurve të tjerë.
Ai tregoi pse e kishin të vështirë të identifikonin kryerësit, shkaku i disa rregullave.
Megjithatë, pasi tha se të gjithë gardianët e burgut të Dubravës kishin ushtruar dhunë ndaj të burgosurve shqiptarë, theksoi se emri i të akuzuarit, Gavrilo Milosavljevic është në mesin e tyre.
Teksa tregoi se qysh në 2007-n, kishin ushtruar kallëzim penal ndaj 32 personave, Hasani shtoi se pret drejtësi.
Të njëjtin kallëzim penal, mbrojtja e të akuzuarit kërkoi të konsiderohet si provë në këtë proces, për çka gjykata tha se do të vendosë gjatë fazës së administrimit të provave.
65-vjeçari nga Istogu, Gavrilo Milosavleviç, akuzohet se individualisht dhe në bashkëkryerje me forcat serbe, mori pjesë në masakrën e Dubravës.
PSRK-ja është duke hetuar edhe persona të tjerë të dyshuar për përfshirje në këtë masakër, gjatë së cilës u vranë mbi 100 persona, e mbetën të plagosur më shumë se 300.
Më shumë detaje i gjeni në Edicionin Qendror të lajmeve në videon më poshtë:
Reklamë
