Deri kohët e fundit, e ashtuquajtura Plani Operativ i Gjermanisë ishte i klasifikuar, tani është e qartë se në rast të një konflikti të armatosur, Gjermania do të shërbente si një nyje kyçe për mbrojtjen e NATO-s, në një qasje që kujton epokën e Luftës së Ftohtë.
Gjermania po zbatojnë një plan masiv mbrojtjeje për t’u përgatitur për një luftë të mundshme me Rusinë, që përfshin lëvizjen e deri në 800 mij trupave të NATO-s përmes territorit të saj, sipas një dokumenti të rrjedhur prej 1200 faqesh të Bundeswehr-it.
Plani Operativ i Gjermanisë (OPLAN DEU), hartuar rreth dy e gjysmë vjet më parë, tani po zbatohet “me shpejtësi të plotë”, ndërsa zyrtarët gjermanë paralajmërojnë se Rusia mund të jetë e gatshme të sulmojë një vend të NATO-s që nga viti 2028, raportoi Wall Street Journal.
Ky plan synon të sigurojë që vendimet politike gjatë një krize ose konflikti të merren shpejt, në përputhje me kushtetutën, dhe në mënyrë të koordinuar që lejon veprime të shpejta.
Sipas dokumentit të Bundeswehr-it, OPLAN DEU është projektuar për të përputhur kapacitetin e fillimit të ftohtë të Gjermanisë, gatishmërinë për luftë dhe qëndrueshmërinë me sfidat aktuale të sigurisë.
Sipas raporteve, plani merr një qasje gjithëpërfshirëse, duke integruar ngushtë funksionet civile dhe ushtarake.
Ndërsa koncepti i tij kujton strategjitë e epokës së Luftës së Ftohtë, ai është përditësuar për të pasqyruar sfidat moderne si infrastruktura e vjetruar, pengesat burokratike dhe mungesat e personelit.
Zbatimi i planit mund të rezultojë sfidues për shkak të infrastrukturës së vjetruar si ura të shembura, tunele të ngushta dhe porte në gjendje të keqe, si dhe pengesave burokratike, kapaciteteve të kufizuara ushtarake dhe koordinimit të dobët me agjencitë civile, sipas raporteve.
“Red Storm Bravo”
Në fund të muajit shtator, Komanda Shtetërore e Hamburgut zhvilloi stërvitjen “Red Storm Bravo” për të praktikuar vendosjen e trupave. Një zëdhënës i tha Euronews se ushtrimi do të përfshinte mbërritjen e simuluar të forcave të NATO-s, duke u lëvizur së bashku në një kolonë drejt lindjes.
Konvoja e stërvitjes, që ishte planifikuar të udhëtonte pa ndalim, u vonua nga hapësirat e gjata midis automjeteve, një dron i simuluar dhe një protestë e inskenuar, duke përshkuar më pak se dhjetë kilometra në dy orë.
Plani i rrjedhur operativ vëren se stërvitje të tilla tregojnë se edhe operacionet më bazike – kalimi i kryqëzimeve, menaxhimi i protestave ose mbrojtja nga dronët – mund të bllokohen lehtësisht në një krizë të vërtetë.
Kompani private janë qendrore për kapërcimin e këtyre sfidave brenda OPLAN DEU. Për shembull, Rheinmetall ofron kampe të përkohshme, furnizon trupat dhe instalon infrastrukturë kyçe, si dushe, stacione karburanti dhe kuzhina fushore.
Përfshirja e sektorit privat
Plani kërkon përdorimin e dronëve për të zbuluar dhe kundërshtuar sabotimet. Aeronavet pa pilot kanë për detyrë të mbrojnë infrastrukturën kritike – duke përfshirë portet, rrugët dhe hekurudhat – dhe të identifikojnë kërcënimet e mundshme herët.
Edhe pse konsiderohen thelbësorë për logjistikën dhe sigurinë në kohë lufte, sfida teknike, ligjore dhe organizative vazhdojnë të mbeten.
Paul Strobel, zëdhënës i kompanisë gjermane të dronëve Quantum Systems, tha se dronët e shitur Bundeswehr-it nuk lejohen të fluturojnë mbi zona të banuara dhe duhet të pajisen ligjërisht me drita pozicionimi.
Në vijim të incidenteve me dronë rusë në Poloni, BE-ja propozoi të ashtuquajturin “mur dronësh” për të mbrojtur krahun lindor të NATO-s. Strobel i tha Euronews se si një sistem i tillë mund të funksionojë në praktikë.
OPLAN DEU liston sabotimin si një nga kërcënimet më të mëdha, duke synuar infrastrukturën kritike si hekurudhat dhe rrugët. Këto sulme ndonjëherë kryhen nga të ashtuquajturit “agjentë të nivelit të ulët”.
Vera e fundit e paqes?
Zyrtarët gjermanë sugjerojnë se Rusia mund të jetë gati të sulmojë një vend të NATO-s që nga viti 2029, ndërsa aktet e sabotimit, spiunazhi dhe incidente të tjera shihen si shenja paralajmëruese të mundshme.
Ministri gjerman i Mbrojtjes, Boris Pistorius, i tha së fundmi gazetës Frankfurter Allgemeine Zeitung se Rusia është “duke rindërtuar shpejt arsenalet e saj, pavarësisht luftës në Ukrainë”.
Ai gjithashtu ngriti mundësinë që një sulm ndaj aleancës mund të vijë edhe më herët.
“Ekspertët ushtarakë dhe shërbimet e inteligjencës mund të vlerësojnë përafërsisht se kur Rusia do t’i ketë rindërtuar forcat e saj të armatosura mjaftueshëm për të goditur një vend të NATO-s në lindje”, tha Pistorius.
“Ne gjithmonë kemi thënë se kjo mund të ndodhë nga viti 2029. Tani, disa sugjerojnë se mund të ndodhë që në vitin 2028, dhe disa historianë ushtarakë madje argumentojnë se vera e kaluar mund të ketë qenë e fundit e paqes”, shtoi ai.
