Gjendet pa shenja jete një person në Hajvali

Policia e Kosovës ka nisur hetimet për një vdekje në Hajvali të Prishtinës, ku një person është gjetur pa shenja jete të mërkurën.

Në raportin policor thuhet se me urdhër të prokurorit trupi i pajetë është dërguar në Institutin e Mjekësisë Ligjore për obduksion, e rasti është iniciuar si “hetim mbi vdekjen”.

Nuk janë dhënë shumë detaje lidhur me rastin.

“Është pranuar informata për një person pa shenja jete. Rastit i janë përgjigjur njësitë relevante policore. Vdekjen e viktimës e ka konstatuar ekipi mjekësor. Me urdhër të prokurorit trupi i pajetë është dërguar në IML për obduksion”, thuhet në njoftimin policor.