​Gjenden granata dhe armë të periudhës së luftës gjatë punimeve në Gjilan

Gjatë punimeve në një rrugë në Gjilan janë hasur disa mjete të pashpërthyera, përfshirë fishekë, karikatorë, armë të gjata, granata dore dhe një uniformë ushtarake, që dyshohet se kanë mbetur nga periudha e luftës.

Sipas raportit të Policisë së Kosovës, rasti është raportuar më 26 gusht, rreth orës 10:40.

Njësia policore ka siguruar vendin e ngjarjes, ndërsa më pas kanë dalë njësitë për deminim të KFOR-it dhe Forcës së Sigurisë së Kosovës.

Pas ndërhyrjes së ekipeve kompetente, mjetet e dyshimta janë tërhequr pa ndonjë incident.