Gashi: Popullata duhet të përfshihet në strukturat e sigurisë në raste emergjente
Kandidati për deputet nga Lista për Familjen, Bejtush Gashi, në emisionin COMPASS në ATV, prezantoi një plan konkret për përfshirjen e popullatës në mbështetjen e strukturave të sigurisë në situata emergjente.
Gashi tha se përgatitja gjithëpërfshirëse e popullatës është thelbësore për forcimin e sigurisë kombëtare dhe menaxhimin e emergjencave.
Reklamë
“Kemi plan konkret për përgatitjen e popullsisë për të mbështetë strukturat e sigurisë në situata të emergjencave, ndryshe quhet koncepti i përgatitjes gjithëpërfshirëse të popullatës në sektorin e sigurisë”, tha Gashi.
Ndërsa procesi i anëtarësimit në NATO, sipas tij varet nga bashkëpunimi i ngushtë me partnerët ndërkombëtarë.
“Procesi i anëtarësimit të Kosovës në NATO varet drejtpërdrejt nga bashkëpunimi me Shtetet e Bashkuara të Amerikës dhe shtetet me ndikim në aleancën euro-atlantike,” deklaroi Gashi.
Deklaratën e plotë të Bejtush Gashit në COMPASS e gjeni në videon më poshtë:
Reklamë
