Edicioni i nëntë Prishtina International Theater Festival “Burbuqe Berisha” 2025, ka përmbyllur me suksese të shumta festivalin që për gjashtë netë ishte edhe epiqendra e kulturës në kryeqytet.
Ceremonia madhështore e ndarjes së çmimeve, e organizuar në bashkëpunim me Kolegjin AAB, Art Image dhe ATV, u mbajt në mbrëmjen e 24 majit dhe mblodhi figura të shquara nga bota e artit dhe kulturës. Ndër të pranishmit ishin kryeministri i Kosovës, Albin Kurti, i shoqëruar nga kryetari i Kuvendit, Glauk Konjufca, ambasadorja e Izraelit në Kosovë, Tamar Ziv, aktori i njohur Enver Petrovci, si dhe shumë personalitete të tjera nga skena vendore dhe ndërkombëtare, të cilët nderuan festivalin me praninë e tyre.
Para fillimit të ceremonisë së ndarjes së çmimeve, të pranishmit patën mundësinë të ndjekin shfaqjen mysafire “The Lie” të regjisorit Agon Myftari.
Edicioni i sivjetmë përfshiu pesë shfaqje garuese dhe një shfaqje mysafire, me pjesëmarrës nga Bosnja dhe Hercegovina, Greqia, Izraeli, Franca dhe Kosova.
Këtë vit çmimin kryesor të PITF 2025, çmimin “Best Play” (Shfaqja më emirë) e gëzoi shfaqja “Purple” (Bosnje dhe Hercegovinë) – Regji nga Selma Spahić
Fituesit e çmimeve për PITF 2025:
- Çmimi “Best Play” – “Purple” – Bosnje dhe Hercegovinë
- Çmimi “Best Director” – Harry Thomos / “Petrichora – The Story of the Bridge of Arta” – Greqi
- Çmimi “Best Actress” – Tanja Šojić / “Purple” – Bosnje dhe Hercegovinë
- Çmimi “Best Supporting Actress” – Ofir Zweigenbom / “Family on a Train” – Izrael
- Çmimi “Best Supporting Actor” – Kushtrim Qerimi / “God Bless America” – Kosovë
- Çmimi “Public Award” – “Petrichora – The Story of the Bridge of Arta” – Greqi
- Çmimi “Special Mention” – “On the Heart of the Rose” – Francë
- Çmimi “Students Choice: Best Play” – “God Bless America” – Kosovë
- Çmimi “Media Choice: Best Play” – “Purple” – Bosnje dhe Hercegovinë
Edicioni i PITF 2025 u mbyll si një ngjarje e paharruar që bashkoi kultura të ndryshme në një festival ndërkombëtar të artit teatror, duke dëshmuar se arti është një gjuhë universale që tejkalon kufijtë dhe lidh njerëzit nga mbarë bota. /atvlive.tv
