Fëmijët që ushqehen me gji kanë koeficient më të lartë inteligjence – përmenden edhe benefitet e tjera

Ushqyerja me gji vazhdon të konsiderohet një nga faktorët më të rëndësishëm për zhvillimin e shëndetshëm të fëmijëve.

Merita Shala, psikologia klinike dhe njëra nga ekspertet kryesore në zhvillimin e hershëm të fëmijëve dhe edukimin parashkollor në Kosovë, theksoi në emisionin “LIBERO” se ushqyerja me gji ndikon jo vetëm në aspektin fizik, por edhe në zhvillimin intelektual dhe emocional.

“Fëmijët e vegjël të cilët ushqehen me qumësht gjiri deri në gjashtë muajt e parë të jetës së tyre kanë një koeficient më të lartë të inteligjencës krahasuar me fëmijët e tjerë… Janë më të suksesshëm në perfomancën e tyre akademike, prej shkollës fillore dhe në vazhdimësi, kanë një qëndrueshmëri në problemet ose në zhvillimin e tyre emocional…”, tha Shala.

Organizatat shëndetësore ndërkombëtare rekomandojnë ushqyerjen ekskluzive me gji gjatë gjashtë muajve të parë të jetës, duke e konsideruar atë si mënyrën më të mirë të të ushqyerit për foshnjat.

Për ta dëgjuar diskutimin e plotë rreth kësaj teme, klikoni në linkun e mëposhtëm: