Përgatiti: Nora Luta
Gjykata Speciale ka caktuar 23 prillin, datën e radhës kur do të mbahet seanca e radhës në rastin ndaj ish anëtarëve të Shtabit të Përgjithshëm të UCK-së, Hashim Thacit, Rexhep Selimit, Kadri Veslit dhe Jakup Krasniqit. Gjatë seancës përgatitore, që do të jete e para pas 15 prillit, kohës kur zyrtarisht ZPS përmbyll paraqitjen e provave, pritet te diskutohet rreth mundësisë se mbrojtjes për paraqitjen e kundërshtimeve per hedhjen e aktakuzës.
“Nëse vendosin të dorëzojnë mocionin mbrojtja ka thënë më herët që i duhen 4 jave për tu përgatitur, dhe i mbetet trupit gjykues te vendos, dhe pas vendimit te trupit gjykues pastaj zyra e viktimave ka thënë se i duhet 1 ose dy jave për te prezantuar çështjen e tyre”, tha Angela Griep, zëdhënëse e Gjykatës Speciale .
Sa i përket kohës se kur mund te përmbyllet dhe te kemi një vendim në rastin më të madh të Speciales, zëdhënësja e gjykatës ka thënë se është herët te përcaktohet një date.
“Nëse mbrojtja vendos te paraqet dëshmitarët ata mund ti kërkojnë kohe gjykatës për tu përgatitur. Është shume herët për te ditur se kur mund te kemi verdikt ndoshta konferenca përgatitore mund te na jap ide me te qarte dhe mund te dimë me shume se përafërsisht kur mund te kemi verdikt”, tha Griep.
Në një adresim për mediat, zëdhënësit e gjykatës kanë folur edhe për punën e dhomave gjatë këtyre viteve, duke theksuar se puna e gjykatës është e bazuar në ligjin që është aprovuar nga Kuvendi i Kosovës. Ndërsa sa i përket provave qe janë paraqitur në rastin e Thaçit dhe te tjerëve, Zëdhënësit kanë thënë se i takon trupit gjykues ti verifikoj dhe trajtoj ato.
‘Duam nga qytetarët e Kosovës ta kuptojnë rolin e gjykatës. Gjykata nuk është duke e targetuar askënd, është për të sjellë drejtësi. Gjykata punon bazuar në ligjin e miratuar nga Kuvendi dhe i trajton aktakuzat qe i pranon nga zyra e prokurorit të specializuar”, tha Michael Doyle, zëdhënës i dhomave të specializuara.
Thaçi, Veseli, Selimi dhe Krasniqi akuzohen për krime lufte dhe krime kundër njerëzimit. Aktakuza ndaj tyre u konfirmua në nëntor të vitit 2020, dhe që atëherë ata po mbahen në paraburgim. Pas shumë seancave përgatitore, në prill të vitit 2023 nisi zyrtarisht gjykimi me paraqitjen e provave dhe dëshmitarëve të Prokurorit të Specializuar. Janë dëgjuar 125 dëshmitarë, prej tyre 75 me masa mbrojtëse, ndërsa shumë dëshmi të tjera janë pranuar me shkrim.
